MAITUM SARANGANI PROVINCE – Nakabalik na sa iyang katungdanan isip mayor sa Maitum Sarangani Province si Alexander Bryan Reganit human usa ka tuig og unom ka bulan nga pagtago-tago tungod sa kasong giatubang niini nga murder.
Kahibaw-an nga niadtong Lunes mismong si Mayor Reganit ang nanguna sa flag raising ceremony kauban ang mga department heads, mga empleyado og mga miyembro sa Sangguniang Bayan.
Matod ni Reganit nga dako ang iyang pagpasalamat sa kahitas-an gumikan gipaboran siya sa Court of Appeals og nabasura ang kaso tungod huyang ang ebidensya batok kaniya.
Kahibaw-an nga si Mayor Reganit ang gitudlong mastermind sa pag-ambush patay kay ex-Maitum Mayor George Perrett kaniadtong Pebrero 28, 2014.
Gumikan sa kaso nagpagawas og arrest order si Regional Trial Court Judge Rose Jaugan sa RTC Branch 14 sa Davao City kaniadtongPebrero 14, 2017.
For more info’s and updates, like and share our official facebook account : www.facebook.com/ifm91.9Gensanofficial/
