Davao City – Tungod sa gipakusgan nga kampanya kontra insurhensiya sa 10th Infantry Division Philippine usa ka sakop sa gitohoang New People’s Army ang nadakpan sa mga sakop sa 71st Infantry Battalion sa lungsod sa Pantukan, Comval Province 7;00 sa kabuntagon sa miaging adlaw.
Matud ni 71st IB Commander Lt.Col.Esteveyn Ducusin nga nagpaabot og impormasyon ang mga residente sa Barangay Napnapan, Pantukan labot sa grupo sa Armadon nga nagpundo sa Purok 4 sa maong barangay.
Suma ni Ducusin nga gilayon ilang girespondehan ang taho sa katawhan diin sa pagpatrolyo sa kasundalohan ilang nasugat ang usa ka Joel Aranetais.
Segun ni Ducusin nga kadudahan ang lihok ni Aranetais mao nga gikapkpan kini hinungdan nakuha gikan sa suspek ang usa .45 pistol nga dunay upat ka bala.
Pakyas matud pa si Aranetais sa pag-presentar sa pertininting dokumento rason nga gidakop ang suspek ug base sa impormasyon sakop matud pa sa NPA ang dinakpan.
Ang suspek gilayon giindosar sa Pantukan Municipal Police Station alang sa pormal nga disposisyon sa pagsang-at og kaso.
RadyoMaN Joel Viray
