Davao City – Nasunog ang usa ka glass installer shop nga gipanag-iyahan sa pamilyang Aranas nahimutang sa may Mabini Bangkal ning siyudad.
Mialarma ang sunog bandang alas tres kaganihang kaadlawon diin nakurat na lang ang mga kasikbit nga mga residente sa pag-ulbo sa kalayo ug dali silang nagpatabang sa taga-Bureau of Fire gani na kontrola kini human sa 30 minutos nga pakig bugno sa kalayo.
Atol sa pagkapalong niini, makita nga halos mahurot ang mga kagamitan sulod sa maong shop.
Maayo na lang kay wala mokanit sa mga kasikbit nga gambalay ang maong kalayo ug wala usab na report nga na angol sa maong insidente.
Sa pagkakaron, padayong ginasuta sa otoridad ang damyos ug ginaimbestigahan ang hinungdan sa maong sunog.
RadyoMaN Paul Canono
Facebook Comments
