Davao City – Gisupalpal ni Special Assistant to the President Christopher Go ang akusasyon ni Communist Party of the Philippines founding chairman Jose Maria Sison nga na-coma si Presidente Rodrigo Duterte.
Sa press briefing dinhi sa Davao City gibutyag ni Go nga usa lang kini ka pagpangdaot ni Sison sa pangulo.
“Sabi ko nga sa inyo he’s in tip-top condition mas malakas pa iyan sa kalabaw. Pumupunta siya sa ospital para sa regular medical check-up at wala po kayong dapat ikabahala at kayang-kaya niyang tapusin hanggang 2022,” segun ni Go
Matud ni Go kusgan ug himsog pa ang pangulo ug nagdamgo ra si Sison.
Makita pinaagi sa facebook live video sa pangulo nga wala gayuy kamatuoran ang pasangil ni Sison.
Sumala ni Go nga walay saktong basehan si Sison sa iyang mga alegasyon.
“Alam niyo naman kanya-kanyang paninira iyong ginagawa ng ibat-ibang kampo sinasakyan po ng mga galit sa pangulo ng mga kritiko at oposisyon. Ang nakakalungkot lang po ay pinaglalaruan ninyo ang kalusugan ng ating pangulo,” sumala ni Go.
Segun ni Go nga timailhan usab nga maayo ang panlawas sa presidente ug wala kini na-coma kay kini mismo ang guest of honor ug speaker sa League of Municipal Mayors of the Philippines convention sa Cebu City kagahapong adlawa.
RadyoMaN Aimee Guinita
