Gobernador Emano, mohatag og reward money aron daling masulbad ang pagpatay kang Kapitan Zapanta

48

Dako matud pa og ikatabang alang sa daling kasulbaran sa kasong pagpusil patay kang Danao Barangay Kapitan Alfredo Zapanta ang pagatukurong special investigation task group sa kapulisan sa Misamis Oriental.

Matud ni Police Chief Insp. Rogelio Labor, Hepe sa Jasaan Municipal Police Station nga mugnaon ang SITG-Zapanta aron mag-imbestigar sa kamatayon sa biktima.


Gibutyag ni Barangay 13 Kagawad Fresco Zapanta ang igsoon sa biktima nga dakong tabang ang reward money nga gihanyag sa munisipyo sa Jasaan ug lalawigan partikular na kang Gobernador Bambi Emano.

Una niini, mohatag matud pa og 25-mil pesos nga personal si Pagaspas samtang si Gobernor Emano mohatag sa laing reward alang sa daling pagsulbad sa maong krimen.
By: RadyoMaN Ellah Baculio

Facebook Comments