Roxas City, Capiz – Wala makahatag sang iya report kag update si Vice Governor James Magbanua kay Governor Esteban Evan Contreras sang ini ang gin-appoint bilang OIC Governor kadungan sang kasagsagan sang Bagyong Ursula sang Disyembre 2019. Sa baylo, sa nakig-angut na lamang si Contreras sa mga department heads sini. Ginpunto ni Governor Nonoy Contreras, nakapagkit sa memorandum sang DILG nga dapat magsumiter sang report ang acting governor tuhoy sa mga nangin aktibidades sini samtang gintugyan sa iya ang pagdumala sa probinsya. Ginpahayag dugang sang gobernador nga antes pa man ini nag-leave, in-place na ang preparasyon para sa palaabuton nga kalamidad. Ini naman ang reaksyon sang gobernador sa akusasyon nga wala ini makapakig-angut kay Vice Governor James Mitang Magbanua parte sa estado sang probinsya bangud sa epekto sang Bagyong Ursula.
