Gobyerno gihagit vs teen prostitution

20

Davao City – Gibatikos sa Parents Mobilization Action Group (PMAG) ang Department of Social Welfare and Development (DSWD) Davao Region gumikan sa kapakyasan sa pagluwas sa mga batang babaye nga nasugamak sa prostitusyon.

Gipuna ni PMAG President Febe Matthew ang ka-inutil sa DSWD sa pag-rescue sa mga batang babaye nga sayong nabiktima sa prostitusyon dinhi sa syudad sa Dabaw.


Nahibaloan sa talaan nga gipagula sa grupong Talikala nga mas nagkabata pa ang mga nahilambigit karon sa prostitusyon sa syudad sa Davao diin kini nag-edad og gikan sa 11 hangtud 12 anyos.

Matud ni Matthew, kun nag-roving lang unta ang mga social workers ug ang kapulisan, maluwas na gayud unta ang mga minors nga gatambayan kilid ug sa gawas sa Central Bank samtang nagpaabot og customer.

Gihagit pa ni Matthew ang hingtungdang mga awtoridad nga dakpon ang mga gabugaw ug nagtukmod sa mga batang babaye aron mamaligya sa ilang unod ngadto sa mga hakog sa unodnong kalipay.

Nasabtan ni Matthew nga usa sa pinakabug-at nga rason nganong adunay mga minors nga mi-entra na sa prostitusyon gumikan sa kawad-on og kakulang sa pupaigong panginabuhian sa ilang mga ginikanan.

Ug aron hingpit malayo sa law-ay nga buhat ang mga menor de edad nga mga babaye, mas maayong tunolan sa gobyerno pinaagi sa DSWD og lig-ong panginabuhian ang ilang mga ginikanan.

RadyoMaN Joel Viray

Facebook Comments

From Advertisers