Matud ni SEMDDOC President Maning Duran, wa’y nahimo ang kagamhanan aron pugngan ang mga kompanya sa lana sa pagpatuman og usbaw sa presyo sa petrolyo sa nasod.
Karong adlawa mao na ang ika-kapitong higayon nga magpausbaw sa presyo sa lana ang mga Oil Players sukad niadtong Hulyo 17, 2023.
Giingon pa ni Duran, dili pa kini ang masinatiang pagsaka ug lauman pa ang laing seryi sa pagsugod sa bulan sa Ber.
Gipasabot ni Duran, apektado ang biyahe sa mga barko nga magkarga sa petrolyo, gumikan sa bugnaw nga mga nasod nga agian sa oil tanker paingon sa Pilipinas, subay kini sa obserbasyon sa SEMDDOC sa taas nga panahon.
Busa nanghinaut si Duran, molampus si ACT-CIS Rep. Erwin Tulfo sa giduso niini sa Kongreso nga balaudnon sa repaso sa Oil Deregulation Law.
RadyoMaN Joel Viray
