Ang kinabuhi lisod matagna. Usahay puno kini sa kalipay apan aduna usay higayon nga magatubang kita og problema nga halos dili na kita makabangon. Hinuon kining tanan dunay kataposan ug mas dali nato kining atubangon kung aduna kitay pagsalig sa Ginoo.
Tanang problema nga atong atubangon, gamay man o dako, maoy susi aron mas mailhan nato kung unsa mulihok ang Ginoo sa atong kinabuhi busa mahinungdanon nga dili dayon mawad-an og paglaom aron makuhaan nimo kini og pagtulun-an alang sa imong pagtubo.
Kung duna kay mga pagsulay sa imong kinabuhi karon importante nga musampit dayon sa Ginoo, kini maoy tambag ni Pastor Rexie Eric Cabulao, senior pastor sa Living Water Christian Fellowship atol sa akong pakighinabi kaniya.
“Human as we are, sa perspective sa usa ka Krisotahanon, kung dunay mga problema mudagan dayon ta sa Ginoo pero usahay ang mahitabo satoa, bisan gani ako, mu-try kog buhat sa akong sariling desisyon kung dunay problema. Later on sa pag seek nimo kay God ma realize nimo nga dapat diay unta una ang Ginoo nga imong gi-seek. So dili lang ka maka overcome but at the same time learning pud when we face trials.”
Dugang tambag sa pastor nga mahinungdanon usab nga magpabilin sa usa ka komunidad nga muawhag ug mudasig kanimo sa mga panahon nga mubati ka og kaluya aron matabangan ug matambagan ka sa imong mga problema.
“Daghan kaayog mga maayong tao, kuyaw kaayo og mga credentials, ilang position dinhi sa kalibutan but when it comes to trial, ang uban gani naghikog, ang uban nag give up. Para sa akoa, aron mutaas akong patience I should be in the community, where in the community nga nakita nako sila nga taas pud sila og patience when it comes to trials. Kay kung ikaw ra man gud isa sa imong trials, wala kay community nga mag lift up sa imoha so it could be nga duhay ang imong coping, mawad-an ka og pasenya.”
Si Pastor Rexie dili sab exempted sa mga pagsulay sa kinabuhi gumikan niadtong milabayng tuig nagkasakit kini ug nagtuo nga dili na siya maulian.
“Gi-attack ang akoang body, nanghubag akong mga joints, gikan sa akong shoulder, sa akoang siko, sa akoang mga kamot, sa akoang tuhod ug sa akoang tiil, to the point nga dili nako kalakaw, dili nako kadaog, gani bisan pag gunit og kutsara dili nako makakaon, hungitan ko ug kinahanglan ko ligoan ug atimanon. Tanang tao nga nag tan aw sa ako as Iron Man, as a strong person, murag di na matablan og sakit, but at that moment, down kaayo ko. Perting payata nako. At that moment I started to get discouraged, murag wala nakoy silbi, to the point nga dili nako maka ministry. Naanad ko na mag visit, naanad ko nga maglakaw, na discourage gyod ko. Outgoing ko nga person pero gipapuyo gyod ko sa Ginoo for two months sobra. Ang coping nako kay nakita nako akong mga kauban nga Kristohanon nga nagkasakit pud parehas sa akoa and they advised me to stay focused on my faith rather than fear. Naa pa gyoy ingon sa doctor nga muabot og 2-3 years ang healing process sa akoang sakit pero praise the Lord kay only 2 months naka recover ko dayon and until now still recovering and I praise the Lord for His grace.”
Karon nga nagatubang kita og pandemya mahinungdanon sab nga mas mulig-on ang atong pagsalig kaniya kay mao kini ang mga panahon nga gisulayan og samot ang atong katakos sa kinabuhi.
“Basa lang gyod mo sa bibliya kasi the bible will tell you and the bible will be the basis of your faith. Ang bible pud maoy makapa lift up sa imohang faith nga mag stay strong sa imohang relationship diha sa Ginoo. The world karon kay grabe ka influential but the narrative of the Bible will tell us good message comes from the Lord”
Kitang mga katawhan, dili gyod malikayan nga madala sa atong mga emosyon ilabi na kung grabe nga sakit ang atong nabati rason nga dunay 3 ka tips si Pastor Rexie alang sa pag address sa mga trials sa kinabuhi,
“Number 1, God’s word. Naa gyod diha ang number 1 nga muhatag og lig-on sa imoha panahon sa trials. Second, prayer. Your devotion, your personal relationship sa Ginoo, your intimacy with God will help you to cope up sa imong mga trials sa kinabuhi. Ikatulo, be with the community nga maoy mag encourage sa imoha nga magpabilin sa imong faith.”
Matag usa kanato dunay problema dinhi sa kalibotan apan anaa sa atong kamot kung magpabilin kitang magul-anon o musalig sa Gino kay siya nasayod sa atong ginaagihan busa sampit kaniya aron magpabiling lig-on.
RadyoMaN Abi Bibera
