Goiter di angay balewalaon

42

Davao City – Kinahanglan gilayon magpa-ultrasound ang usa ka tao og nakasinati og pagdako sa iyang thyroid gland nga muresulta sa sakit nga goiter.

Sa pakighinabi kang Doctor Mike Villanueva, Davao Doctors Hospital Surgery Resident atol sa tulumanong Serbisyong Straight to the Point uban si RadyoMaN Misel Miral-Galve, gihusgtan niini ang sakit nga goiter.

Sumala ni Doctor Villanueva, ang sakit nga goiter maoy resulta sa thyroid gland nga namukol diin ang thyroid gland usa ka organ nga gamay nga naa sa atubangan sa liog ug anaa lang kini sa 20 grams sagad dili makapa apan og mamatikdang midako na kini, mamahimo dayong magpakonsulta sa doctor aron masayran og cancer o dili ug kinahanglan na ba operahan o tambalan usa.

Gibatbat usab niini ang mga early signs ug symptoms sa sakit nga goiter diin sagad masinati sa mga babae, matud pa ang mga dunay goiter dunay mamatikdang bukol sa liog, lisod makaginhawa, makasinati og palpitation, magkurog ang kamot, mupayat o mutaba.

Dugang pa nga ang maong sakit resulta sa ubos nga iodine sa lawas busa tambag ni Dcotor Villanueva nga mukaon og mga pagkaong puno sa iodine, mga green leafy vegetables ug seafoods ug magpa-check up sa doctor.

RadyoMaN Renz Barbarona

Facebook Comments