“Good Cop Movement” mas gipakusgan sa DCPO

Davao City – Gipangulohan ni PCOL Mannan C. Muarip, Acting City Director sa Davao City Police Office (DCPO), ang Culmination Ceremony sa “Good Cop Movement” nga gipahigayon sa Hotel Emelia, F. Torres Street, Davao City, niadtong Setyembre 28, 2025.

Ang maong seremonya nagdala sa tema nga “The Impact of Good Cop Movement” nga nagpunting sa padayon nga kampanya sa DCPO alang sa ethical policing ug pagpangusog sa propesyonalismo sa kapulisan pinaagi sa interfaith collaboration ug mutual respect.

Sa iyang mensahe, gipasiugda ni PCOL Muarip ang pagtuo ug panaghiusa sa pag-atubang sa kalisdanan bisan pa man sa kalahi-lahi sa relihiyon.

Gibug-atan usab sa opisyal ang kahinungdanon sa DCPO D.A.V.A.O. Framework nga naglangkob sa Discipline, Action, Virtue, Accountability, ug Order. Kini nagsilbing moral compass sa matag pulis aron mapadayon ang integridad, masaligan sa komunidad, ug mahimong instrumento sa kalinaw.

Pinaagi niini, gilauman nga mas mapalig-on ang relasyon tali sa kapulisan ug sa katawhan sa Dakbayan sa Davao.

RadyoMaN Kareen Beltran