Roxas City, Capiz- Isa ang Capiz PPO bilang finalist sa national level para sa Search for Best PPO Award 2017 sang Philippine National Police.
Ang CPPO amo ang nagrepresentar sa tanan nga mga provincial police office sa bilog nga Western Visayas.
Kaina sang aga nag-abot na sa Camp Teodorico Apil ang Field Evaluation and Validation Team nga ginapamunoan ni Police Chief Supt. Norberto Solomon.
Ini naman ang ginsug-alaw ni Senior Supt. Samuel Nacion kaupod ang mga personnel sang Capiz Police Provincial Office.
Nahibaloan nga kaupod sang Capiz PPO bilang top-3 finalists para sa Best PPO Award 2017 amo ang Davao Del Norte kag Bulacan PPO.
Base sa schedule, magadugay ang field evaluation kag validation tubtob sa Hulyo 9, 2018 kun sa diin natalana man nga maga-inspection ang ang nasambitan nga evaluating team sa mga municipal police stations.
(photo: Capiz PPO PCR)
