Manila, Philippines – Aabot sa 5,000 trabaho sa sales sector ang available sa Phil-JobNet, ang internet-based job and applicant matching system ng Department of Labor and Employment (DOLE).
Base sa ulat ng DOLE-Bureau of Local Employment (BLE), ang may pinakamaraming bakanteng posisyon ay promo salesperson na may 3,910 slots, kasunod ang sales clerk na may 342, salesman na may 329, retail trade salesman na may 214 at sales associate professional na may 164.
Maari ring mag-apply bilang call center agent na may 3,265 available slots.
Ang iba pang oportunidad na trabaho ay domestic helper (842 slots), staff nurse (590), cashier (485), construction laborer (467), customer service assistant (457), service crew (434).
Mayroon ding vacancies bilang public health nurse (297 slots), cook (237), bagger (220), financial o accounts specialist (199), housemaid (198), delivery driver (189), warehouse helper (175) at administrative assistant (173).
Ang Phil-JobNet ay facility ng labor department na layong pabilisin ang paghahanap ng trabaho ng isang jobseeker at paghahanap naman ng workforce ng employer.
Ang portal ay mayroong higit 100,000 registered jobseekers at higit 3,000 employers.
Para sa iba pang job vacancies at employment facilitation services, maaring pumunta sa website: www.philjobnet.gov.ph o bumisita sa tanggapan ng Bureau of Local Employment (BLE), ika-anim na palapag ng BF Condominium, pagitan ng mga kanto ng Solana at Soriano, Intramuros Manila.
