Roxas City, Capiz- Aprobado na sa ginpatigayon nga session sang Sangguniang Panlalawigan ang pondo para sa bonus sang mga empleyado sang provincial government.
Ginkumpirmar ni Chairman on Appropriations Board Member Eduardo Magallanes nga kabug-osan nga P25.5 million pesos ang napain nga pondo sa bonus sang mga regular employees samtang P7. 8 million pesos naman ang ginpain nga pondo nga ginpaagi sa financial assistance para sa mga job order, contractual kag casual employees.
Magabaton sang tig-P25, 000 pesos nga bunos kag dugang nga P5, 000 pesos nga productivity enhancement incentives ang mga regular employees samtang P5, 000 pesos naman nga bunos ang sarang nga mabaton sang mga job order, contractual kag casual employees.
Gina-ekspektar nga igarelease ang bonus sa mga empleyado sang provincial government kadungan sang christmas party sang mga ini sa maabot nga Disyembre 21, 2018.
photo © web
