Matapos ang lima ka semana nga sunod-sunod nga pagtaas sang presyo sang produktong petrolyo, nag-rollback naman ang presyo sini epektibo subong nga kaagahon.
50 sentimos ang ginbuhin sa presyo sang kada-litro sang galosina samtang 15 sentimos naman sa kada litro ang ginbuhin sa kada litro sang diesel kag 35 sentimos naman ang ginbuhin sa kerosene.
Sa pihak sang pagnubo sang presyo sang diesel, nagtukod sa gihapon sang task Force ang Department of Energy (DOE) agud imbestigahan ang sunod-sunod nga pagtaas sang presyo sang petrolyo.
Madumduman nga nag-angal ang grupo nga Laban Konsyumer sa DOE agud pangayuan sang paathag ang mga kumpaniya sang langis natuhoy sa sunod-sunod nga oil price hike kon sa diin naglab-ot sa halos 3 pesos ang gintaas sa presyo sang gasolina kag 1.75 naman sa bahin sang diesel.
