Manila, Philippines – Makukuha na ng nasa 190,000 na mga pulis ang kanilang mid-year bonus matapos na mai-release ng Philippine National Police (PNP) ang P6 billion na budget para dito.
Ayon kay PNP Chief Director General Oscar Albayalde, naipasok na ng Pnp finance service sa payroll accounts ng kanilang mga tauhan sa Land Bank of the Philippines ang mid-year bonus.
Sa kabuuan tinatayang aabot sa 189,263 na aktibong pulis ang nakatanggap ng bonus na katumbas ng isang buwang basic salary.
Dagdag pa ni Albayalde, makakatanggap pa din ng bonus ang mga pulis na mayroong kinakaharap na kasong administratibo pero kung may pasya na sa kanilang kaso at sila ay napatawan na ng mabigat na parusa ay hindi na nila sila makakakuha nito.
Facebook Comments
