Davao City – Mas mamahimong malipayon karon ang kapaskuhan alang sa mga empleyado sa lokal nga panggamhanan human aprubado na sa third and final reading ang gisugyot nga Supplemental Budget No. 2 ngadto sa Konseho sa adlaw’ng Lunes, Disyembre 10.
Sa interbyu kang Committee on Finance, Ways and Means chair Councilor Danilo Dayanghirang, makadawat og P25,000 ang kapin 2,500 ka mga empleyado sa gobyerno sa Davao ilawom sa Collective Negotiations Agreement (CNA).
“Under DBM rules and regulations, they are allowed to claim… murag private union, some benefits,” segun niini.
Gawas sa CNA, makadawat usab sila og Productivity Enhancement Incentives (PEI) nga P5,000.
Giklaro sa konsehal nga wala maapil ang job order sa maong pondo apan gisugilon niini nga lantawon kini sa City Government.
RadyoMaN Jason Amisola
