Report ni: Tita Jen Palomo Debaja
Siya si CHIN CHIN ARMAS, 10 anyos sang Mckinley Street, Roxas City, Capiz, naga suprer sang sakit nga leukemia kag naadmit sang malapit na 4 ka bulan sa St.Anthony Hospital. Ang wish ni Chinchin maka gwa na sila sa ospital tungod naga daku na nga naga daku ang ila bill kag indi nila kaya nga bayaran.
Una nga gin palab-ot ang sitwasyon ni Chinchin kay admin Mocha sang OFWs in Hong Kong paagi sa pag tag sa iya personal FB account kag insigida naman gin pangayuan niya sang bulig sa mag asawa nga Kathy kg Ronald Lewis, tag iya sang KATHY TRAVEL H.K. LTD.
Suno kay Kathy nga tumandok man sang Panit-an Capiz, kag isa man ka nanay, daw gintuytuyan gid ang tiil nila sang iya mister nga isa ka Indian National nga bisitahan ang bata dala sang ila kaluoy.
Una nga nag pauli sa Capiz si Kathy sang Setyembre 20 kag nag sunod naman ang mister sang tungang gab-i via Manila.
Takna ala una y medya, Setyembre 21, 2018 sang ginkadtuan sang mag asawa si Chinchin sa ospital. Nakita sang mag asawa ang fighting spirit sang bata rason nga wala na sila nag pang duha-duha pa nga bayaran ang tanan nga bill sa ospital kag makapauli na ang pasyente.
Sa pahayag ni Kathy, naga pati gid siya nga sa pelikula lang naga katabo nga kon wala ka sang kwarta indi maayo ang tratasyon sa pasyente, apang nasaksihan niya sa tuod tuod nga kabuhi. Suno sa iya, sa sulod sang malapit 4 ka bulan sa ospital, 1,050 ang daily nga bayad sa kwarto sang pasyente nga wala sang aircon kag unhygienic.
Dugang ni Kathy, nag pangayo siya kontani sang discount agud mabulig pa sa kinahanglanon sang bata ang kwarta apang ginsabat pa sila ngaa buligan nila nga indi gali nila kakilala ang bata.
Gintinguhaan pa gid ni Kathy magsulod sa opisina sang head sa Hospital apang ginpa gwa man siya.
Salamat Ronald and Kathy sa “golden heart ” nga ginshare kay Chinchin kag sa iya pamilya. A very BIG advance Christmas Gift gid sa iya.
Igapaidalum pa sa 8 tanan ka chemotherapy si Chinchin kag tagsa ka session 18k ang bayad.
Sa mga Kasimanwas nga may maayo sang kabubut-on naga panawagan gid si Chinchin sang inyo hamili nga bulig. Pwede gid kamo maka palab-ot sang bulig kay:
Mrs. Quila Armas sa # 09306511429
MADAMO GID NGA SALAMAT.
