Gov Emano, miangkon nga lisod ang kahimtang karon sa Sports Center, nagpadayon ang operation apan walay kita tungod kay walay gasulod

Giangkon ni Misamis Oriental Gov. Bambi Emano nga lisod karon ang kahimtang sa Sports Center tungod kay wala nay kita epekto sa padayung krisis hatud sa COVID-19.

Matud sa gobernador, pwede rang mag-jogging sulod sa Sports center apan bantayunon ang lihok sa mga mosulod.

Gibawal una sa MOISC ang swimming bisan kung nagpadayon gihapon ang ilang operasyon.

Dugang pahayag sa opisyal nga labing apektado sa maong sitwasyon ang mga gagmayng negosyante sa entrance nga bahin sa Misamis Oriental Integrated Sports Complex o MOISC.