Gov. Emano, misalig sa bag-ong liderato sa kapolisan sa Mis.Or

Nagtoo ug misalig si Gov. Yevgeny Emano nga padayong mapatunhay ang kahusay ug kalinaw sa Misamis Oriental karon nga bag-o na ang hepe sa kapolisan.

Gibutyag sa gobernador nga kumpiyansa kining maayo ang performance ni Police Col. Robert Roy Bahian ilabina nga pila ka higayon na silang nagkita sa mga event ug meeting kaniadtong hepe pa lang kini sa kapolisan dinhi sa Cagayan de Oro.

Mipasalig usab ang opisyal nga andam kanunay ang iyang buhatan alang sa mga gikinahanglan sa kapolisan.