Gin-confirm ni Negros Occidental Governor Bong Lacson sa RMN News nga may ika-duha na nga kaso sang coronavirus disease 2019 sa Negros Occidental.
Si Patient 2 sang Negros Occidental isa ka 42 anyos nga lalaki gikan sa Sitio Rosario, Barangay Nato, La Castellana.
Yari ang timeline angut sa aktibidad sang pasyente:
– March 13 nagpauli ang pasyente sa Negros gikan Iloilo
– April 5 nakabatyag ini sang hilanat kag LBM sa sulod sang duha ka adlaw.
– April 8 sang nagpahibalo ang iya boss sa Iloilo nga ini ang positibo sa COVID-19.
– April 11 sang nagpahibalo ini sa banwa sang La Castellana angut sa iya kondisyon.
– April 12 sang ginkuhaan ini sang swab test.
– Nagwa ang resulta subong nga adlaw, April 20, kag positibo ini sa COVID-19.
Kuhaan ini liwat sang swab test bwas, April 21. Negatibo naman sa COVID-19 ang iya asawa kag bata.
Sa karon asymptomatic ang pasyente kag yara sa isa ka quarantine facility. Magapatigayon karon sang contact tracing kag magadala sang rapid test kits kag swab test kits ang otoridad sa banwa sang La Castellana.
