Gov. Lacson indi pa mapat-od kun san-o maabot ang vaccine batuk covid-19 sa probinsya

11

BACOLOD CITY- Indi pa mapat-od ni Governor Eugenio Jose Bong Lacson kon san-o maabot ang Sinovac vaccine sa probinsiya.

Bangod sa iya ihibalo, unahon anay ang iban nga rehiyon kaangay sang National Capital Region (NCR), Region 7 sa diin nahamtang ang Cebu kag Davao Region.Kahapon nga adlaw, nagsugod na ang vaccination program sang Pilipinas sa mga health workers sa pungsod sa diin si Dr. Gerardo Legaspi, director sang Philippine General Hospital ang una nga gintublukan sang Sinovac vaccine nga gin-donate sang China.


Sa bulan sang Mayo ginalauman nga magasugod naman ang vaccination program para sa publiko. Ang Pilipinas ang magabakal man sang dugang nga 1 million doses sang Sinovac sang China, matapos ini nag-donate sang 600,000 doses nga nag-abot nagligad nga adlaw sang Domingo.

[image: image.png]

Facebook Comments