Gov. Lacson luyag ang isa ka semana nga extension sang ECQ

24

Luyag kun tani ni Gov. Bong Lacson nga ma extend anay bisan isa ka semana ang enhanced community quarantine (ECQ) sa Negros Occidental antes ipatuman ang General Community Quarantine.

Ini matapos nga wala nalakip sa ginlawag sang Inter Agency Task Force National ang probinsya sang Negros Occidental sa mga lugar sa pungsod nga iga-extend ang ECQ.


Suno kay Lacson ang EO nga ang pagpaidalum sang bilog nga probinsya sa ECQ ang magatapos na sa April 30 apang kon pasugtan siya, isa pa ka semana nga extension ang iya luyag.

Pahayag sang gobernador mas maayo nga indi lang pagdali-dalion ang desisyon kasunod nga may kaso pa sang COVID-19 sa Negros gani indi dapat nga mag-kampante.

Nahibaluan nga sa ginpatigayon nga briefing ni Duterte upod ang mga cabinet secretary, gin-validate ang COVID-19 status sang tagsa ka lugar kag ang Negros Occidental nakit-an nga wala na sang tuman nga kaso gani wala nalakip sa extension.

Facebook Comments