Gov. Uy: Regional border control guidelines padayong gi-review

31

Davao City – Gikatakdang magpagawas ang Province of Davao de Oro og Executive Order (EO) kabahin sa guidelines sa Regional Border Control pasulod sa rehiyon diin nagbaton usab og boundaries ang probinsya ngadto sa laing rehiyon.

Matud ni Davao de Oro Governor Jayvee Tyron Uy (sa interbyu sa city-owned radio), suportado niini ang guidelines nga gipagula sa Regional Task Force (RTF)-XI diin sa kasamtangan, padayon pang gina-review ang guidelines sa Emergency Operations Center (EOC) sa lokal nga gobyerno una kini hingpit ipatuman.


“By Monday (May 10, 2021) the guidelines will be rolled out labi na sa duha ka munisipyo ang labot ani – ang Laak ug ang Monkayo, wherein ang Monkayo boundary nato sa Trento (Agusan del Sur). Ang Laak boundary pod nato sa Santa Josefa, naa pod sa Loreto (Surigao del Norte),” segun ni Uy.

Gipasabot sa gobernador nga dili na kinahanglan og negative RT-PCR (reverse transcription polymerase chain reaction) test result, ang mga essential travelers o kadtong gikonsiderang APOR (Authorized Person Outside of Residence) pasulod sa rehiyon basta ipakita lamang usab ang mga gikinahanglang dokumento ug rekisitos sa border checkpoint.

RadyoMaN Kirby Manzon

Facebook Comments