Gov. Zubiri, mipahimangno sa mga mayor nga ipadayon ang pagbatok sa COVID-19 sa ilang mga lungsod ug syudad

33

Mipahimangno pag-usab si Gov. Jose Ma. R. Zubiri, Jr. ngadto sa mga mayores sa 20 ka lungsod ug duha ka syudad nga ipadayon ang ilang mga programa sa pagbatok sa COVID-19 sa ilang tagsa-tagsa ka mga lungsod ug syudad.
Lakip na nini ang pagpahinumdum sa ilang katawhan sa pagsuot ug face mask o face shield, pagamit sa alcohol, pagpanghugas ug kamot, pagdistansya sa kadaghanan, pagpabilin sa balay kung walay importanting pagalakwon ug hugtanong pagsunod sa mga health protocols nga gipatuman sa DOH. Kini ang usa sa nahisgutan sa gipahigayong Provincial Development Council meeting niadtong Septembre 16, 2020 didto sa Kaamulan Folk Arts Theater, Kaamulan Capitol Compound, dakbayan sa Malaybalay.

Gidasig usab ni Gov. Zubiri ang tagsa-tagsa ka LGU’s sa pagpadayon sa ilang Quarantine Control Points, pag-isolate sa mga adunay gibati nga simtomas sa COVID-19, pagpa-quarantine sa mga Locally Stranded Individuals o LSI ug Returning Overseas Filipino Workers o ROF’s, pagpahamtang sa Zonal Containment Stragedy sama Critical Zone, Containment Zone, Buffer Zone ug Outside Buffer Zone.

Dugang niana, gipamahayag ni Gov. Zubiri nga pagatukuron dinhi sa Bukidnon ang Bio-Molecular Laboratory sa BPMC aron dili na dalhon sa dakbayan sa Cagayan de Oro ang specimen sa swab test. Ang pundo pagakwaon gikan sa ₱125 Million nga gihatag ni Presidente Rodrigo R. Duterte diin lakip na niini ang mga medical equipment, testing laboratory, buildings and other stuctures for COVID-19, information and communication equipment, construction of roads and triage areas of BPMC, dialysis machine ug daghan pang uban aron maatiman ang mga pasyente sa COVID-19 sa atong probinsya ug dili na kinahanglan pang moadto sa Cagayan de Oro.

Facebook Comments