Sa pakighinabi sa DXDC RMN Davao sa Lupon Municipal Police Station (MPS), gikumpirmang usa ka trabahante sa gobyerno ang biktima kinsa gipusil sa ulo hinungdan sa iyang hinanaling kamatayon.
Sa pagpalawom sa imbestigasyon, matud pa nga gibutyag sa asawa ni Cabigas nga aduna lamang siyay gipalit sa maong lugar sa dihang siya adunay nadungog nga buto sa pusil ug pagbalik niya sa iyahang bana, nakita na lamang niya kining nagbuy-od na sulod sa pedicab.
Sa karon, nagapadayon pa ang imbestigasyon ug panubayan na sa kapulisan ang mga CCTV videos sa area.
Samtang nagpaabot usab og pahasubo ang Lupon Water District ngadto sa pamilya sa biktima ug sila nagkanayon nga nahimong maayong miyembro si Cabigas nga usa sa dakong tabang ug hinungdan sa kalambuan sa ilahang buhatan
RadyoMaN Ivy Parido
