Davao City – Sikop ang usa ka government employee sa Padada Davao del Sur atol sa gibuhat buy bust operation sa kapulisan.
Kini nga operasyon nahimong posible gumikan sa gilusad nga joint operation sa Davao del Sur Provincial Drug Enforcement Office, Davao Occidental Provincial Drug Enforcement Office of Philippine Drug Enforcement Agency Region Office XI, Regional Intelligence Unit ug Padada Municipal Police Station.
Base sa inpormasyon sa PDEA-XI, nakadawat kini og text message gikan sa usa ka concerned citizen nga miingong adunay usa ka empleyado sa gobyerno nga nagpayuhot og iligal nga droga.
Ang suspek mao si Ramon Cabrera Callao alyas Mon, 47 anyos, revenue Collection Officer 1 sa Padada Davao del Sur nga taga Quirino District, Padada, Davao del Sur.
Giaresto ang dinakpan human kini napalitan og shabu sa kantidad nga 1,000 pesos.
Nakuha kang Callao ang maong droga, 1,000 pesos buy bust money ug ang iyang motorsiklo.
Pasakahan og kasong paglapas sa Section 5 RA 9165 kon Comprehensive Dangerous Drugs Act of 2002 ug Section 28 kon Criminal Liability of Government Officials and Employees ang dinakpan.
RadyoMaN Abi Bibera
