Davao City – Sikop sa buy bust ang usa ka government employee ug usa ka kauban niini atol sa gilusad nga buy-bust operation sa Philippine Drug Enforcement Agency Regional Office XI ug Talomo PNP alas-dos sa kahaponon sa usa ka hotel sa may Cabaguio Avenue, Agdao Davao City.
Suspek naila sa pangang Jayson Jocoy Bendoy, 35 anyos, single ug usa ka Civil Secuirty Unit sa Davao City ug residente sa Block 40, Lot 11, Country Homes Cabantian, Davao City ug laing Razil Gabia Manlapaz, 29 anyos, single nga taga San Francisco Village Barangay Centro, Agdao, Davao City.
Matod sa report sa PDEA XI, giaresto ang mga dinakpan human kini napalitan og iligal nga droga sa usa ka poseur buyer ug nakuha kanila ang usa ka sachet sa gituohang shabu nga mokantidad og 1,000 pesos, 5 ka gagmay’ng sachet nga gituohang shabu nga mokantidad og 30,000 pesos, drug paraphernalia, ug 1,000 pesos buy bust money.
Ang mga suspek balhug na sa PDEA Detention facility samtang ang mga iligal nga droga gisumiter na sa laboratory service sa maong opisina alang sa dugang eksaminasyon.
Mag atubang og kasong kalapasan sa Section 5, Section 11 ug Section 12 sa Article II sa Republic Act 9165 kon Comprehensive Dangerous Drugs Act of 2002 ang duruha.
Kung napamatud-an nga guilty si Bendoy mahimo usab kini mo atubang sa kasong paglapas sa Article II Section 28 kon Criminal Liability of Government Officials and Employees ubos sa maong republic act.
RadyoMaN Abi Bibera
