Ginghingyo ni Governor Arthur Defensor Jr. sa pamunuan sang Cebu Pacific Air nga ipaiway anay ang pagbiyahe sang ila mga International flights padulong sa mga pungsod nga may positibo nga kaso sang novel corona virus.
Ini nga tikang ginhimo sang gobernador agud malikawan ang pagsulod sa probinsya sang Iloilo sang ginakahangaw-an nga balatian.
Sa sulat sang Gobernador kay Leah Vallido, operations Manager sang Cebu Pacific ginpangabay ni Defensor sa nasambit nga Airline company nga mag-untat anay sang biyahe sa mga pungsod nga may positibo nga kaso sang Novel corona virus kasunod man sang pagkumpirmar sang DOH nga may isa na ka kumpirmado nga kaso sang Ncov sa pungsod.
Nahibauan nga ang Cebu Pacific Air ang may direkta nga biyahe gikan sa Iloilo padulong sa Hongkong kag Singapore nga una naman nga ginreport nga may positibo nga kaso sang Novel corona virus.
