Liwat nga nagpanawagan si Iloilo Governor Arthur Defensor sa Sangguniang Panlalawigan nga aprobahan na ang P3.7 bilyon 2019 budget sang Probinsya.
Ang panawagan ginhimo ni Defensor sa atubang sang mga empleyado sang Kapitolyo probinsyal pagkatapos sang flag raising ceremony sang Lunes sang aga.
Ginganyat sang Gobernador ang mga empleyado nga hambalan ang mga miyembro sang SP nga indi paglamuran sang pulitika ang palaabuton kag kinahanglanon sang mga pumuluyo sang probinsya pinaagi sa indi pag-aprobar sang badyet.
Ginatudlo sang gobernador si 3rd district Board Member Manny Gallar nga naga-kwestiyon sang “lump sum appropriation” nga kalakip sa badyet.
Si Gallar ang anay kaupod sang gobernador sa politika, apang nagsaylo ini sa kampo ni Congressman Ferjenel Biron nga nagapadalagan bilang gobernador sa May 13, 2019 elections.
Kasumpong ni Biron ang anak sang gobernador nga si 3rd district Congressman Arthur Defensor Jr.
