Ginpabugal ni Gov. Arthur Defensor Sr. Ang iya mga programa kag proyekto nga nahimo na niya sa idalom sang iya liderato bilang gobernador sang probinsiya sang iloilo.
Sa iya ika-pito nga State of the Province Address ukon SOPA kahapon, pila sa ginpabugal sang gobernador ang nakuha sang probinsiya sang iloilo bilang Best performing province sa Western visayas, 3rd time ukon Grand slam awardee sang DILG seal of good governance para sa tuig 2017, kalakip ang Excellence award in Local governance.
Samtang, ginhatagan pagtamod sang Gobernador ang pagpasangkad sang Edukasyon sa Probinsiya sang iloilo.
Highlight man sang gobernador ang liwat sini nga pagmensyonar sang iya ginapabugal nga Iloilo Provincial Capitol Comlex redevelopment Project kag nagpasalig nga pagataposon antes pa man magtakop ang iya termino sa 2019.
Kalakip man sa ginpabugal sang gobernador ang pagpahagan-hagan sang Quarry operations sa mga kasubaan sa probinsiya pinaagi sa pagpauntat sang pag-issue sang quarry permit, pagrehabilitar sang mga dalan sa pila ka mga banwa sa probinsiya kalakip ang pagpasangkad sang produksyon sa Agrikultura.
