El Basilan Governor Jim Salliman ya conveni este dia con el maga miembros del Basilan Anti Illegal Logging Task Force para discuti con el ta continua problema de illegal logging na provincia.
Si Salliman ya recomenda con el maga miembros Basilan Anti-illegal Logging Taskforce para planta ya caso contra con el maga operador de palo quien illegalmente ta opera na provincia del Basilan.
El meeting di Salliman ya llama enconnecion con el mga reclamo kay bien ranpante el mga actividad de illegal logging na provincia pero nuay con quien ta pwede dale castigo.
Si Provincial Environment and Natural Resources Officer na Basilan Marietta Ladjiman durante el Meeting ya reporta kay manada del maga BANSO na Basilan el quien ta opera illegalmente, 14 na Municipio de Maluso, 5 na Lamitan City, y mas de 30 na ciudad de Isabela.
Porcaosa coneste si Salliman ya ordena con el mencionao Taskforce para ase apas con el mga responsable na calbo del monte na provincia de Basilan
