Padayon karon nga nagapahuway kag gina-obserbahan sa ospital si Governor Arthur “Toto” Defensor Jr. matapos gin-admit bangud nagguwa sa laboratory test nga positibo siya sang una sa dengue.
Sa ginpaguwa nga press statement sang Gobernador nga una niya nabatyagan ang paglain sang pamatyag sang Huwebes sang hapon kag sang Biyernes sang aga magapadulong siya kuntani sa banwa sang Concepcion agud magtambung sa Thanksgiving Lunch sang Palm Concepcion ZPower Corporation angut sa ikatlo nga anibersaryo sini.
Subong man, wala na nagdayon ang gobernador matapos indi sini maagwanta ang kalaoin sang pamatyag kag nagderetso na lang sa ospital agud magpa-check-up.
Nag-request ang iya doktor nga magpa-dengue test kag didto naguwa nga nakaagi ini dengue sang una apang negatibo naman ini sa NS1.
Bangud sini, ginpaidlaum sa general check up ang gobernador kag ginahulat na lang ang resulta sang iban niya nga laboratory test.
Samtang ginpahayag ni Atty. Suzette Mamon nga posible na-burn out ang gobernador bangud humalin sang nagpungko ini sa puwesto, halos wala ini sang pahuway bangud aga pa ini nagasulod sa opisina kag ulihi naman nagaguwa magluwas pa sa kasakuon sa paglibot sa mga district hospital sa pag-monuitor sa kaso sang dengue sa probinsya.
