Siento ochenta familia que ya sale victima del insendio recientamente na Barangay Kasanyangan el ya recivi asistencia de dinero desdel govierno local.
El tal asistencia financial desdel govierno local ya alcansa na cantidad de P785 mil de pesos entendido para el continuacion de servicio con mga vivientes que victima del tal calamidad.
Mismo el administrador del ciudad Angelique Go amo el ya encaveza con el destribucion con el mga recipiente porparte del alcalde Beng Climaco-Salazar quien na viaje official este tiempo.
Na total de 180 familia que victima del quema, 119 mga duenyo del casa que totalmente ya destrosa, 6 partialmente ya quema, 48 sharers/renters, 2 partialmente destroso sharers, 3 mga borders.
Cada familia ya recivi cantidad de P10,000 cada uno. – *Bhong Simbajon/RMN News*
