GOVIERNO LOCAL YA MAN-CLEAR YA CON EL DONGEMS DESDEL EVACUANTES

El govierno local ya desaleja ya con el mas de siento familia que victima del quema na Barangay Sta. Catalina este dia. Con el mga evacuantes ya transporta el mga trak del govierno local para na de estos designao transitory site para hinde mas omenta dale problema con el mga estudyante del Don Gregorio Evangelista Memorial School (Don GEMS) na Sta. Catalina.
El DONGEMS covered court ya man clear el CSWD este dia desdel mga evacuantes y yah ace Tambien limpiesa el GSO y CDRRMO.
Este ya bene desfues el alcalde Climaco ya ordena con el mensyonao mga oficina del govierno local del otro dia para hace de pronto el proceso de transfiri con el mga evacuantes na transitory site para hinde Tambien dale problema con el escuela publica.
Ya rendi Tambien gracias el alcalde con el Don GEMS, Principal Dr. Juliet Besas por el acomodacion con los evacuantes.
Ya promote el alcalde cay man-repair el govierno local si cosa man el destroso ya causa el presencia del mga evacuantes na mensyonao escuela. – *Bhong Simbajon/RMN News*

Facebook Comments