Gov’t aid magpadayon sa mga negosyong di maka-operate

23

Davao City – Gipahibalo sa lokal nga panggamhanan sa Davao nga magpadayon ang pagtunol og rasyon sa mga empleyadong dili makatrabaho ilawom sa kasamtangang community quarantine status.

Gibutyag ni City Social Welfare and Development Office (CSDWO) Head Malou Bermudo, mamahimong moduol sa ilang buhatan ang mga nagkinahanglan og ayuda nga wala pa makadawat og hinabang.


“Ang focus nato katong sa mga nagkalain-laing establishments katong naapektuhan nga dili pa sila maka-operate so padayon na siya hangtod karon,” segun ni Bermudo.

Subay sa datus sa CSWDO, mokabat sa 23 mil ka mga trabahante ang nakadawat og food assistance sa 893 ka mga establishemento sa syudad sa duha na ka hugna sa distribusyon.

Giawhag ni Bermudo, ang mga apektadong mamumuo diin ang ilang mga gitrabahoan wala pa mag-operate subay sa DTI memorandum circular 20-22 nga moadto sa opisina sa CSWDO o motawag sa ilang hotline 227-1617 o mag-email sa cssdo@davaocity.gov.ph.

RadyoMaN Aimee Guinita

Facebook Comments