Davao City – Una paman hingpit nakasulod sa Philippine Area of Responsibility si Super typhoon Ompong nga nihaguros sa pipila ka lugar sa Northern ug Central Luzon nakaandam na ug nakaplastada na ang nasudnong gobyerno sa mga gikinahanglan sa pagresponde ug sa mga biktima sa kalamidad.
Dihang gikategoriya si Ompong nga super typhoon gilayon gimando ni Pres. Rodrigo Duterte ang pagprepara sa tanang gikinahanglang kagamitan, rasyon sa mga pagkaon, mga tulganan sa mga evacuation ug uban pa alang sa mga biktima sa bagyo.
Lig-on nga basehan sa hugot nga pagpangandam sa nasudnong gobyerno mao ang pagbisita personal sa 36 ka mga miyembro sa kabinete ug ang aerial inspection mismo sa pamuno-nasud sa mga lugar nga gilampornas sa kabangis ni bayong Ompong.
Tungod sa prepositioning approach sa gobyerno, nagka-usa ang mga ahensiya nga may kalabotan sa pagsanong sa kalamidad sa pagresponde sa panginahanglon sa mga biktima sa bagyo sama sa pagkaon, mga panginahanglon sa mga evacuation centers, ug bisan pa sa mga gamit pang-rescue.
Busa si Davao City Disaster Risk Reduction Management Council Operation Head Rodrigo Bustillo natagbaw sa prepositioning nga gihimo sa gobyerno ayha paman hingpit nakasulod sa PAR si Ompong.
Ug kini makita sa kapaspas sa pagresponde sa mga nanginahanglan og tabang rason ngano dyutay lang ang casualties luyo sa gimugna nga damyos sa mga lugar nga gibilin ni Ompong.
Apan bisan paman niini gikalipay ni Presidete Duterte ang effort sa inter-agency sa nakalabay nga delubyo nga bisan dinhi sa siyudad sa Dabaw naka-prepositioning kun naka pro-active na samtang pasalod pa lang si Ompong, suma ni Bustillo.
RadyoMaN Joel Viray
