Davao City – Gikasuhan na sa Philippine Drug Enforcement Agency (PDEA) XI sa paglapas sa RA 9165 ug RA 10591 ang usa ka empleyado sa LGU Padada human malampuson kining nadakpan sa joint buy-bust operation sa mga awtoridad sa Purok 2, Padada-Kiblawan Road, Barangay Tulogan, Padada, Davao del Sur.
Sumala ni PDEA XI spokesperson Noli Dimaandal atol sa interview sa DXDC RMN Davao, gawas sa P30,000 kantidad sa gituohang shabu nga nakuha gikan sa dinakpan, nakuhaan usab kini’g .45 nga baril.
Giila ang dinakpan nga si Allen Ray Guitguit Cabiad alyas Payat, 32 anyos nga gikonsidera nga number 4 Provincial Target List Drug Personality nga ga-operate sa Davao del Sur.
“Considered siya nga High Value Target kay government employee siya and aside from usa pa gyud siya ka provincial target list o PTL,” sumala ni Dimaandal.
RadyoMaN Aimee Guinita
