Davao City – Anaa sa 90% ang ihap sa government sponsored school buildings sa Davao region ang nasutang walay building permit ug adunay nakitang fire safety violations.
Kini ang gibutyag ni Fire Inspector Cyrus Medina, Bureau of Fire Protection kun BFP XI spokesperson atol sa AFP-PNP Presser subay sa resulta sa gihimong inspeksyon sa BFP-XI sa mga pampublikong skwelahan subay usab sa gilusad nga maintenance week karong semanaha.
“Most of the buildings sa gobyerno walay building permit. Ing-ana among hangyo nga ibutang sa husto nga pamaagi, magkuha og permit aron maka-conduct mi og inspeksyon ug masiguro nga safe gyud siya… Diha man gyud ang pamaagi ana, mahatagan mi og kopya so that we can evaluate the plan, maka recommend asa ang exits, pila ka exits ang i-require kay magsugod ang fire safety inspection before sa construction sa building,” segun ni Medina.
Dugang ni Medina nga daghang skwelahan ang nakita nilang adunay problema sa wirings ug uban pang nakalapas sa fire safety code busa panawagan niini sa mga concerned agencies nga magtinabangay sa pagsiguro nga luwas gikan sa sunog ang mga tulunghaan pinaagi usab sa pagsunod sa husto nga proseso sama sa pagkuha og building permit gumikan og aduna permit gawas sa ilang mga ginahimong inspeksyon sa mga existing buildings, ma-inspect usab nila ang mga itukod nga buildings ilabi na ang mga itukoray nga tulunghaan sa rehiyon XI.
RadyoMaN Renz Barbarona
