Davao City-Suportado sa Davao City Police Office ang gikasugyot karon nga House Bill 6112 o ‘Public Utility Vehicle Monitoring Act’ diin kinahanglang dunay Closed-Circuit Television (CCTV) cameras ug Global Positioning Systems (GPS) trackers ang mga pampublikong sakyanan.
Gisulti ni DCPO Director Police Senior Superintendent Alexander Tagum nga dakong tabang kanila nga aron marekord ang mga impormasyon gikan sa maong mga ekipo aron sa pagpugong ug pagsolbad sa krimen sa dakbayan.
Segun ni Tagum mapakusgan pa ang ilang kampanya batok kriminalidad pinaagi sa naasoy nga mga kahimanan.
Kahidumduman nga aprobado na sa 2nd reading sa House of Representative ang Public Utility Vehicle Monitoring Act.
Ubos sa maong bill, walay Public Utility Vehicles (PUVs) nga matugutang maka operate kun walay naka-install sa ilang mga sakyanan nga mga CCTV ug GPS trackers.
Kinahanglang authenticated usab kini ug selyado sa Land Transportation Franchising and Regulatory Board (LTFRB).
Tumong niini nga balaodnon aron pagseguro nga luwas ang riding public gikan sa krimen.
Kasamang Aimee Guinita
