Agad nag-viral nitong nakaraang araw ang Twitter post ni Krizia De Lara tungkol sa isang Grab Food rider na hindi sinipot ng customer.
Ayon kay De Lara, nilapitan sila ng rider at inalok ang milk tea na inorder ng isang indibidwal.
Nag yoyosi kami sa met live ng kapatid ko ng may lumapit na grab food. Na victim siya ng fake buyer na nag order ng 14pcs na milktea (total of 1900) tapos idedeliver sa Solaire kaso NO SHOW YUNG BUYER – – – – pic.twitter.com/491VsxjDbr
— Krizia De Lara (@xiaaaaaang) September 26, 2019
Kuwento ng delivery boy, inihatid niya ang 14 na inumin sa Solaire Hotel pero no-show ang pasaway na buyer.
Umabot sa P1,900 ang pangkalahatang halaga ng milk tea, at tinitinida ito ng rider sa mas mababang presyo para lang mabawi ang perang ginastos.
“Maririnig mo sakanya na sinasabi niyang “luging lugi na ko” “wala na kong pang gatas”.
“Sayang lang hindi ko nakuha ung details nung nag order sakanya 🙁 Sobrang nakaka awa. God bless kay kuya! Sana makonsensya lang ung mga taong gumagawa ng ganito!!” sambit ng netizen.
Sa galit at awa ng ilang social media users sa sinapit ng rider, tinag nila ang official Twitter account ng Grab Philippines para mapansin ang lumalalang problema ng mga mamimiling manloloko.
Dapat pay first before deliver the orders nalang @grabph para maiwasan na tong mga ganito. Jusko ilang beses na tong nangyayari pero wala paring solusyon! Naaawa na kami sa mga delivery man ninyo.
— franz☾ (@francissajulga7) September 26, 2019
Mabilis naman tumugon ang pamunuan ng Grab ukol sa hinaing ng publiko.
Hi, Franz! We regret hearing about this case of unclaimed GrabFood order. 😔 Please do note that our delivery-partners are fully-reimbursed by Grab for unclaimed orders once reported. Customers with no-shows face account penalties, including suspension.
— Grab Philippines (@grabph) September 27, 2019
“Hi, Franz! We regret hearing about this case of unclaimed GrabFood order. Please do note that our delivery-partners are fully-reimbursed by Grab for unclaimed orders once reported. Customers with no-shows face account penalties, including suspension,” pahayag ng kompanya.
Komento ng iba, dapat tanggalin ang option na COD o cash on delivery upang wala nang mabiktima pa.
