Pagadian City – Nagbakho nga nangayo og hustisya ang inahan sa menor de edad nga gipusil patay sa gawas nga bahin sa Black Tower Bar nga nahimutang sa Purok Esmeralda B., Sabate St., Brgy. San Jose ning syudad sa Pagadian.
Giila ang namatay ng si Mark Alejar Burlat, Grade 11 student, 17 anyos, lumulupyo sa Purok 3, Brgy. Bagalupa, Labangan Zamboanga del Sur.
Sa imbestigasyon sa Pagadian Cityn PNP, alas 9:30 kagabii samtang pauli na unta ang biktima kauban ang iyang mga higala usa ka lalaki nga sakay sa XRM single motor ang kalit nga miabot og gipusil ang biktima.
Gidala pa sa ospital ang menor de edad apan wala na kini maka-antos og nakabsan sa kinabuhi pipila ka oras ang nilabay.
Sa interview sa RMN Pagadian kang Emie Burlat, inahan sa biktima naghilak kini nga naghangyo g sa kapulisan nga tabangan sila aron masilutan ang responsable sa pagpusil sa iyang anak.
Pangandoy matud pa ni Mark nga mahimong pulis o sundalo kun makahuman sa iyang pagtungha.
Blangko pa ang kapulisan sa motibo sa maong pagpamusil.
