Sa interview sa DXDC RMN Davao kang Jimmy Cayan Jr., iyang gisaysay nga taga Buhangin, Davao City ang iyang pag-umangkon nga si Jeffar, Grade 12 graduating student ug mag 18 anyos unta karong adlawa, Marso 12.
Nasayrang niuban ang batan-on sa iyang amahan nga mekaniko sakay sa multicab padulong Davao Oriental, kuyog ang iyang ig-agaw. Pag-abot sa Baganga, nananghid kining maligo apan sila gipahimangnoan nga mag-amping. Posible matud pang nalingaw kini uban ang ig-agaw ug naabot sa kantil ug kini nadala sa dagkong balud.
“Sa amoa, walay i-blame kay wala man gyoy gusto ato (mahitabo). Siguro sunod mao pud ‘to among giingon sa pulis, though private property, unta barikadahan nalang sunod para dili na masundan ang among pag-umangkon,” saysay ni Cayan.
Sa interview sa DXDC RMN Davao kang PMaj. Cirelo Solaño III, Acting Chief of Police sa Baganga Municipal Police Station, kantilado gyud ang lugar ug delikado ilabi na sa mga bata nga walay mga bantay nga hamtong.
RadyoMaN Kirby Manzon
