Grade 4 bata hombre armao de pusil

Un bata edad de 10 anio ya cuji ta lleva pusil adentro del un escuela publica ayer aga.
Na report del pulis ta aparese el bata hombre ya anda na Tugbungan Elementary School quien ta entra na mencionao escuela na grade 4, donde mientras ta juga este junto consu maga classmate cuando derepente este ya saca con un 38 revolver que tiene cuatro bala na bola desde na su bag.
Porcausa deste, el disuyu maga classmates ya reporta el asunto con el diila maga maestra donde ya resulta na confiscacion del pusil.
Con el bata y el pusil ya lleva na estacion del Tetuan para el imbestigacion.
El bata ya habla con el maga pulis que el pusil ta duenia el disuyu tata.
Con el pusil ya entrega con el imbestigador mientras el caso ta aguanta hora el Women and Children Protection Desk.

Facebook Comments