GENERAL SANTOS CITY – Swerteng nakaluwas sa kamatayon ang grade 6 pupil nga lalaki human aksidenteng mahagbong gikan sa 3rd floor building sa ilang eskwelahan niaging semana.
Gitago sa alyas Rio ang 12 anyos nga grade 6 pupil nga nahagbong sa grills sa fire exit sa 3rd floor building sa Fatima Central Elementary School.
Una nang nasayran nga gihagit sa iyang mga amigo ang nasangpit nga sakaon ang fire exit bugti sa singko pesos.
Udtong tutok dihang nagtindog og naglatay latay sa grills ang estudyante og nawad-an sa balance hinungdan nga nahagbong.
Naangkon sa maong bata ang bun-og sa kalawasan nga gilayong gidala sa school clinic og gibalhin sa barangay clinic.
Samtang paningkamotan sa tigdumala sa ospital nga matakudan og dugang safety measures ang grills sa 3rd floor aron malikayan ang lain pang disgrasya.
Sa karon normal nang nakabalik sa klase ang menor de edad nga estudyante.
For more info’s and updates, like and share our official facebook account : www.facebook.com/ifm91.9Gensanofficial/
