Nagreklamo sang pagpalaminhod sang lawas ang 13 anyos nga grade 7 student sang isa pampubliko nga buluthuan sa banwa sang Sta. Barbara , Iloilo matapos gin-alegar nga gin ‘injectionan’ siya sang tatlo ka mga lalaki.
Suno kay PO3 Jade de Atras sang Sta. Barbara MPS, natabo ang insidente sa sulod mismo sang buluthuan sang biktima kaina sang hapon, Enero 23,2019.
Ginpahayag ni de Atras nga base sa ila imbestigasyon , nagasuksok sang uniporme sang buluthuan ang tatlo ka mga lalaki nga nag- inject sa biktima kag duha sa mga ini ang nagasuksok sang face mask.
Dugang pa ni de Atras nga wala gilayon nakapanugid ang biktima matapos ginpahog siya sang mga lalaki.
Nagapabilin sa hospital ang biktima kag ipa-idalom sa laboratory test agud mahibaluan kon ano ang gin-inject sang tatlo ka lalaki sa iya.
(photo from web)
