TACLOBAN CITY – Patay an usa nga grade 7 student matapos nga maligis han usa nga municipal-owed ambulance samtang tisulod ha iya eskwelahan ha Sta. Rita, Samar dida han lunes, Oktobre 23, 2017.
Ginkilala an biktima nga hi Ricardo Cahife, 13 anyos, grade 7 student han Tominamos Integrated School ha Brgy. Lupi Sta. Rita, Samar.
Base ha inisyal nga imbistigasyon, nagbabaktas an biktima kaupod han tulo pa nga estudyante ha ligid han kalsada dida han umagi an ambulance nga ginmamaneho ni Arnel Ompod, 45 anyos, LGU Employee han San Isidro, Northern Samar nga tipakadto unta ha Regional Medical Center o EVRMC ha syudad han Tacloban ngan didto na naligis an bata.
Mahitungod han makusog nga impact, dead on the spot an biktima.
An drayber in boluntaryo naman nga sumurender ngan ha pagka yana in nakapaslak na ha Sta. Rita Municipal Police Station nga maatubang ha kaso nga reckless imprudence resulting to homicide.
