VICTORIAS CITY, NEGROS OCCIDENTAL – Naabtan nga nagabitay sa balayan kag wala na sang kabuhi ang isa ka soltero nga ginapatihan naghikog bangud gid lamang ini ang ginbulagan na sang iya menor de edad nga nobya sadtong nagligad nga Domingo sang hapon, Nobiembre 18 sa isa ka barangay sa ciudad sang Victorias.
Suno sa tiya sang biktima nga sadtong Domingo may mga las 5:30 sang hapon nakibot siya sang iya naabtan nga nagakabit sa balayan ang iya hinablos, gamit ang isa ka paha kag wala na sang kabuhi.
Ginahayag sang tiya nga siya na ang nag-serbe nga iloy sang iya hinablos bangud isa ka tuig pa lamang ini sang iya ginkuha.
Pahayag sang tiya nga wala na naga-eskwela ang biktima kag may nobya ini nga 14 anyos kag isa ka Grade 8 student.
Ginaalegar sang tiya nga ang rason sang paghikog sang iya hinablos amo nga nakabaton ini sang text message halin sa iya nobya nga nagasiling ma-break na sila nga duha./ Photo courtesy of bsbslove
