Graft case batok Mayor Moreno, gibasura sa Ombudsman

PC: RadyoMaN Joanna Mae Ricote

Gibasura sa Office of the Ombudsman Manil, ang kasong Graft and corruption nga gipasaka ni kanhi Taglimao Barangay Chairman William Guialani.

 

Kini pina-agi sa ilang mando nga gipakanaog niadtong Enero 22, 2019 nga gipirmahan nila  Assistant Special Prosecutor Anthony Ludalvi Vista, Assistant Ombudsman Pilarita Lapitan ug Ombudsman Samuel Martires.

 

Sa ilang 12 ka pahinang mando, gi-usab nila ni Martires ang unang mando sa Ombudsman Davao niadtong February 23, 2016 nga kon diin nakit-an sa Ombudsman Davao si Mayor Moreno ug kanhi City treasurer Glenn Bañez sa probable cause., sa kasong Graft.


 

Mahinumduman  nga gi-akusahan ni Guailani si Moreno ug Bañez nga  nakig sabot-sabot sa Ajinomoto Philippines sa tax compromise agreement nga walay panugot sa  City Council.

 

Apan gi-usab sa Ombudsman Manila ang  desisyon sa Ombudsman Davao subay sa gipasakag argumento ni Moreno  ug Bañez, kinsa miingon nga  wala na kinahanglana ang panugot sa City Council sa tax agreement  tali  sa Ajinomoto  kay kini nga gahom  iya na sa City treasurer’s office basi sa local government code.

Facebook Comments