Nagpahinumdum karon ang National Food Authority (NFA) sa mga
negosyante ug humay o bugas dinhi sa rehiyon 9 sa pag-renew sa ilang mga lisensya karong bulan sa pebrero aron dili mag-atubang ug surcharge ug penalties.
Matud pa ni NFA-IX Regional Director John Robert Hermano, kinahanglan nga sundon sa mga grains businessmen ang skedyul ug sa pag-renew sa ilang mga lisensya on time.
Pahayag pa ni Margarette Ridad, NFA-IX information officer, nga sobra sa 2,000 ka mga grains businessmen gikan sa zamboanga city, Zamboanga Sibugay, Zamboanga del Sur ug Zamboanga del Norte ang naka-skedyul alang sa license renewal sugod pa niadtong nakalabayng bulan sa Enero
ug Pebrero.
Samtang gipasabot ni Ridad nga ang kapakyas sa pagsunod sa
nakatakdang skedyul sa pag-renew sa mga lisensya nagpasabot usab sa “surcharge fee equivalent sa 25 percent sa kinatibuk-ang license cost ug laing 25 percent alang sa matag bulan nga mosunod. (M.L)
